කිලිනොච්චි ආරක්ෂක සේනා මූලස්ථාන ආඥාපති මේජර් ජෙනරාල් සුදන්ත රණසිංහ මහතාගේ අධීක්ෂණයෙන් කිලිනොච්චි ආරක්ෂක සේනා මූලස්ථානයේ සෙබළුන් විසින් ප්‍රදේශයේ හින්දු බැතිමතුන් සමඟ එක්ව පසුගියදා වාර්ෂික තෛපොංගල් උත්සවය තිරිමුරුක්කන්ඩි කෝවිලේ දී අති උත්කර්ෂවත් අයුරින් සමරන ලදී.
එම අවස්ථාව සඳහා කිලිනොච්චි ආරක්ෂක සේනා මූලස්ථාන ආඥාපති, 57 වන සේනාංකයේ සේනාංකාධිපති, කිලිනොච්චි ඉදිරි නඩත්තු පෙදෙසෙහි ආඥාපති, ජ්‍යෙෂ්ඨ නිලධාරීහු, සෙසු නිලයන් ඇතුළු බැතිමත්හු විශාල පිරිසක් ද සහභාගී වූහ.
එහිදී තිරිමුරුක්කන්ඩි කෝවිලෙ හි ප්‍රධාන පූජකතුමා පැමිණ සිටි බැතිමතුන්ට ආශිර්වාද කළ අතර‘දේව දානය’ බෙදා දීමට ද කටයුතු කළේය.
NDH/army.lk
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
