ඇඹිලිපිටිය ශ්‍රී බෝධිරාජ ධර්මායතන විහාරාධිපති ශ්‍රී සිරිවංශ වංශාලංකාර ධර්මාචාර්ය පූජ්‍ය මුරුතාමුරේ මුනින්දවංශ නාහිමිපාණන් වහන්සේගේ ආදාහන පූජෝත්සවය හෙට (12) පස්වරු 3.00ට ඇඹිලිපිටිය ශ්‍රී බෝධිරාජ විද්‍යාලයීය ක්‍රීඩාංගණයේ දී පැවැත්වේ.
පසුගිය 08දා අපවත් වී වදාළ උන්වහන්සේ ශ්‍රී ලංකා රාමඤ්ඤ මහා නිකායේ හම්බන්තොට ප්‍රාදේශිකයේ දිසාපාලක පදවිය ද හෙබවීය.
අපවත් වන විට 89 වැනි වියෙහි පසු වූ පූජ්‍ය මුනින්දවංශ නාහිමිපාණෝ උගත්, ගුණවත් පැවිදි ශිෂ්‍යයන් විශාල පිරිසකගේ ආචාර්ය වහන්සේ නමක් වන අතර සම්භාවනාවට පත් විහාරස්ථාන 10ක විහාරාධිපතිත්වය දැරූ සංඝ පිතෲන්වහන්සේ නමක් ලෙස ද ප්‍රසිද්ධ වේ.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
