ප්‍රථම ශ්‍රී ලාංකික පුරාවිද්‍යා කොමසාරිස් මහාචාර්ය සෙනරත් පරණවිතාන මහතාගේ 118 වැනි ජන්ම දිනය සැමරීම නිමිත්තෙන් පරණවිතාන අනුස්මරණ ගීතාවලිය නමින් සංගීත වැඩසටහනක් හෙට (26) පස්වරු 04.00 සිට ශ්‍රී ලංකා ගුවන්විදුලි සංස්ථාවේ ස්වදේශීය සේවය ඔස්සේ ප්‍රචාරය කිරීමට නියමිතය.
ආචාර්ය දයා රෝහණ රණතුංග සහ රෝහිත විජේසුන්දර මහත්වරු මෙම වැඩසටහන අධ්‍යක්ෂණය කරති. ප්‍රේමනාත් ජයතිලක මහතා විසින් වැඩසටහන මෙහෙයවන අතර වැඩසටහන නිෂ්පාදනය කරනුයේ පද්මසිරි මෙන්ඩිස් මහතා විසිනි.
මෙහි ගී පද රචනයන් පුරාවිද්‍යා දෙපාර්තමේන්තුවේ හිටපු සහය අධ්‍යක්ෂ සිරිසමන් විජේතුංග මහතා නිර්මාණය කරන අතර
ආචාර්ය දයාරත්න රණතුංග, මහාචාර්ය අමරා රණතුංග, එඩ්වඩ් ජයකොඩි, රෝහණ බෝගොඩ, විජේසුන්දර වේරගොඩ, පුෂ්ප කුමාරි රණසිංහ හා මල්ලිකා පෙරේරා යන ගායික ගායිකාවෝ මෙහිදී ගීත ගායනා කරති.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
