"Save the Children" ආයතනය විසින් මේ සඳහා මූල්‍ය අනුග්‍රහය දක්වන ලදී.
භාෂා මාධ්‍ය තුනෙන් ම (සිංහල, දෙමළ, ඉංග්‍රීසි) සම්පාදිත මෙම පොත එක් පාසලකට පිටපත් 10 බැගින් ලබාදීමට කටයුතු කෙරේ. එහිදී පාසල් පුස්තකාලගත කර සිසුන්ට කියවීමට සැලැස්වීම මූලික අපේක්ෂාව වන අතර ලබන වසරේ සිට යුනෙස්කෝ ආධාර ඇති ව පාසල් පද්ධතියේදී භාවිතය පිළිබඳ පුරවැසි අධ්‍යාපන ගුරුභවතුන් ජාතික අධ්‍යාපන ආයතනය හරහා දැනුවත් කිරීමට ද සැලසුම් කර ඇත. දරුවන් විසින් ම නිර්මාණය කරන ලද සිතුවම් කිහිපයකින් ද සමන්විත වීම මෙම පොතේ විශේෂත්වයක් වන අතර දරුවන්ට කියවීමේ රුචියක් ඇති වන ආකාරයට සරල හා රසවත් ව මෙම පොත රචනා කර ඇත.
අධ්‍යාපන ප්‍රකාශන කොමසාරිස් ජනරාල් තිස්ස හේවාවිතාන මහතා, අතිරේක ලේකම්වරු, Save the Children ආයතනය මෙරට නිත්‍ය නියෝජිත විලියම් ලින්ච් මහතා (William Lynch, Country Director – Save The Children Sri Lanka), ජාතික අධ්‍යාපන ආයතනයේ නිලධාරීහු ඇතුළු පිරිසක් මෙම අවස්ථාවට එක්ව සිටියහ.
NDH/kpm
