ප්‍රථම වරට කිලිනොච්චි ආරක්ෂක සේනා මූලස්ථානය මඟින් මල්ලාවි යෝගාපුරම් මහජන ක්‍රීඩාංගණයේ දී පසුගිය දින පවත්වනු ලැබු ටැටූ සංදර්ශනය විශාල ජනතාවකගේ සහභාගිත්වයෙන් නිමාවට පත් විය.
මේ සඳහා අවශ්‍ය සියලු පහසුකම් 65 වන සේනාංකයේ සෙබළුන්ගේ ප්‍රධානත්වයෙන් ලබා දුන් අතර පැරෂුට් සංදර්ශන, සුනඛ සංදර්ශන ආදී යුද හමුදාවේ විවිධ විශේෂ අංගයන්ගෙන් මෙම සංදර්ශනය අලංකාර විය.
මේ අවස්ථාව සඳහා කිලිනොච්චි දිස්ත්‍රික් ලේකම් රූපාවතී කේතීශ්වරන්, කිලිනොච්චි ආරක්ෂක සේනා මූලස්ථාන ආඥාපති මේජර් ජෙනරාල් සුදන්ත රණසිංහ යන මහත්වරු, 65 වන සේනාංකයේ සේනාංකාධිපති සහ තවත් ආරාධිතයෝ බොහෝ පිරිසක් සහභාගී වූහ.
NDH/army.lk
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
