පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක මහතාගේ සහ නියෝජ්‍ය අමාත්‍ය කරුණාරත්න පරණවිතාන මහතාගේ ප්‍රධානත්වයෙන් පැවැත්වේ.
මෙය පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යංශය සහ ඊට අනුබද්ධ ආයතන එක්ව මෙම අවුරුදු උළෙල සංවිධානය කරනු ලබයි.
මෙහි දි සාම්ප්‍රදායික මෙන්ම ජනප්‍රිය අවුරුදු ජන ක්‍රීඩා 40ක් පමණ ඇතුළත් කර ඇත. ඒ අතර ගම හරහා දිවීම, කාන්තා පිරිමි කඹ ඇදීම, කනා මුට්ටිය බිඳීම, කොට්ටපොර තරගය, අලියාට ඇස තැබීම වැනි ක්‍රීඩාවන් විශේෂ වේ. ඔන්චිලි වාරම් වැනි අපේ කම ප්‍රකට කරවන සංස්කෘතික අංගයන්ගෙන් ද බක් මහ උළෙල අවසානයේ දී ඇසිදිසි අවුරුදු කුමරා කුමරිය අභිෂේක ගැන්විමට ද නියමිතය.
මෙම අවස්ථාවට පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යංශය සහ ඊට අනුබද්ධ ආයතන ප්‍රධානීන්, කාර්ය මණ්ඩලය මෙන්ම කලාකරුවන් රැසක් ද සහභාගී විමට නියමිතය.
