මෙහිදී කාව්‍ය ක්ෂේත්‍රයට සුවිශේෂ සේවයක් කළ ප්‍රවීණ කවීන් පස් දෙනෙක් සඳහා “කාව්‍යාභිමානී“ ගෞරව සම්මානය ප්‍රථම වරට පිරිනැමීම සිදුකරනු ලබන අතර මෙහිදී කාව්‍ය සංගම් නියෝජනය කරමින් කවි කිවිඳියන්ගේ නිර්මාණ ඇතුලත් කාව්‍ය සංග්‍රහයක්, නිදහස් කාව්‍ය සංග්‍රහයක් හා දෙමළ කාව්‍ය සංග්‍රහයක් නිකුත් කිරීමට ද නියමිතයි.
ලෝක කවි දින සැමරුම් උළෙලේ දී බුද්ධදාස ගලප්පත්ති, ආචාර්ය ප්‍රනීත් අභයසුන්දර හා ආචාර්ය ශ්‍රී ප්‍රශාන්තන් මහත්වරුන් විසින් සැමරුම් දේශන පැවැත්වීමට නියමිත අතර සැමරුම් උළෙල අවසානයේ දී ප්‍රවීණ කවි කිවිඳියන් එක්වන හිටිවන කවි මඩුවක් පැවැත්වීමට ද නියමිතයි.
සංස්කෘතික කටයුතු දෙපාර්තමේන්තුව විසින් මෙම සැමරුම් උළෙල සංවිධානය කර ඇත.මෙම උත්සවයට සමගාමීව කවි කිවිඳියන්ගේ කවි පොත් මිළදී ගැනීමේ අවස්ථාව ද සලසා ඇත.
AP
