රුහුණු විශ්ව විද්‍යාලයෙහි කරාපිටිය වෛද්‍ය පීඨය සංවිධානය කරනු ලබන මෙම ප්‍රදර්ශනය ප්‍රථම වරට පවත්වනු ලැබුවේ 2006 වසරේදී ය. වසර දහයකට පසු මෙවර ප්‍රදර්ශනය පවත්වනු ලබන්නේ දෙවන වරටයි.
ශිෂ්‍ය කණ්ඩායම් 6 ක් ක්ෂේත්‍ර 32 ක් යටතේ ප්‍රදර්ශණය පැවැත්වීමට අවශ්‍ය කටයුතු මේවන විට සිදු කරමින් පවතින බවත්
ප්‍රථම ප්‍රදර්ශනයේදී ලබා ගත් අත්දැකීම්ද නව තාක්ෂණයද උපයෝගී කරගනිමින් මෙම ප්‍රදර්ශනය සංවිධානය කරන බවත් පීඨාධිපති මහාචාර්ය සරත් ලේකම්වසම් මහතා පැවසීය.
ඒ මහතා මෙම අදහස් පළකළේ මේ පිළිබඳ රජයේ ප්‍රවෘත්ති දෙපාර්තමේන්තුවේ පැවති මාධ්‍ය දැනුවත් කිරීමේ සාකච්ඡාවේදීය.
මෙහිදී කළල අවස්ථාවේ සිට මරණය දක්වා මිනිස් සිරුරේ විවිධ අවස්ථා , ළදරු ,ළමා ,යෞවන ,මහලු විය ආදී වයස් කාණ්ඩයන්ට බහුලව වැළදෙන රෝග ,විශේෂ ක්ෂේත්‍ර ,ප්‍රජනන සෞඛ්‍ය,ගැබිණි මව්වරුන් ,මහලුවිය සහ කාන්තාවන් යන විවිධ ක්ෂේත්‍රයන් ඔස්සේ ප්‍රදර්ශනය පැවැත්වේ.
AP
