මෙහිදී අදහස් දැක්වු සංස්කෘතික කටයුතු අධ්‍යක්ෂ අනුෂා ගෝකුල මහත්මිය, සංස්කෘතික පර්ශද පාසල් මට්ටමින් ස්ථාපිත කිරීම සඳහා ඉදිරි මාස කිහිපය තුළ කටයුතු සම්පාදනය කර ඇති බවත් ඒ සඳහා අධ්‍යාපන අමාත්‍යාංශයේ දායකත්වය හිමි වන බවටත් පැවසීය.
සෑම විටම කලාව හා සංස්කෘතිය සුරැකීම රජයට පමණක් සිදු කල හැක්කක් නොවන බවත් ඒ සඳහා සියල්ලන්ගේම කැපවීම අවශ්‍ය බව ඒ මහත්මිය විසින් පෙන්වා දෙන ලදී. එමෙන් ම බහුතරයක් කලා කරුවන්ට බාහිරට පෙනෙන හදවත සැබෑවටම නොමැති බවත් අනොන්‍ය සුහදතාවය ඔවුන්කෙරෙන් දුරස් වී ඇතිබවත් ඒ මහත්මිය පවසා සිටියා ය. එමෙන්ම ඉදිරියේදී රාජ්‍ය අංශයේ ඵලදායිතාව ඇගයීමේදී ඒකී රාජ්‍ය අංශය විසින් සිදු කරනු ලබන සංස්කෘතික කටයුතු වෙනුවෙන් විශේෂ ඇගයීමක් සිදු කිරීමටද යෝජිත බවට අධ්‍යක්ෂතුමිය වැඩිදුරටත් පෙන්වා දුන්නාය.
මෙම අවස්ථාවට දිස්ත්‍රික් නියෝජිතයින් රැසක් ද සහභාගී වූහ.
AP/DMU-Galle
