ජාතික නිදහස් දිනය හා සම්බන්ධ විශේෂ දේශනය රුහුණ විශ්ව විද්‍යාලයේ පශ්චාත් උපාධි අධ්‍යයන පීඨයේ පීඨාධිපති මහාචාර්ය එල්.පී. ජයතිස්ස මහතා විසින් පවත්වනු ලබයි.
දිස්ත්‍රික්කයේ පාසල් දරුවන් එක්ව පවත්වනු ලබන ආචාර පෙළපාලියකින් සහ විශේෂ සරඔ සංදර්ශනයක් ඇතුළු මාතර දිස්ත්‍රික්කයේ පාසල් 09 ක දරු දැරියන් හා මාතර සංස්කෘතික මධ්‍යස්ථානයේ දරු දැරියන් විසින් ඉදිරිපත් කරනු ලබන සංස්කෘතික වැදගත්කමක් සහිත විශේෂාංග රැසකින්ද මෙම උත්සවය සමන්විත වේ.
මෙම සැමරුම් උත්සවය සදහා දිස්ත්‍රික්කය නියෝජනය කරන ප්‍රදේශයේ දේශපාලන නායකත්වය හා මහජන නියෝජිතයන් රැසක් ද මාතර දිස්ත්‍රික් ලේකම් ඊ.ඒ.සී. විදානගමාච්චි මහත්මිය ප්‍රමුඛ රාජ්‍ය නිලධාරීන් සහ පාසල් දරු දැරියන් පිරිසක් ද සහභාගී වීමට නියමිතය.
මෙම නිදහස් දින සැමරුම් උත්සවය මාතර දිස්ත්‍රික් ලේකම් කාර්යාලය මගින් සංවිධානය කරනු ලබයි.
AP/DMU-Matara
