පණ්ඩිත් අමරදේවයන්ගේ 88 වෙනි ජන්ම දිනය දා හිමිදිරියේම ඔහුගේ සුවදුක් බැලීමට ජනමාධ්‍ය අමාත්‍ය ගයන්ත කරුණාතිලක මහතා අමරදේවයන්ගේ නිවසට ගොස් සුභ පැතුම් එක් කළ අතර, එහිදී අමාත්‍යවරයා මේ පිළිබඳව සාකච්ඡා කළේය.
ඇමතිවරයාගේ පූර්ණ මැදිහත් වීම මත අමරදේව අසපුව ඉදිකිරීමේ මූලික කටයුතු ආරම්භ කරමින් පණ්ඩිත් අමරදේවයන් සංගීත අසපුව ඉදිකිරීම පිළිබඳව කරුණු දැනගැනීමට ජනමාධ්‍ය ඇමතිවරයා ප‍්‍රමුඛ පිරිසක් ඊයේ පෙරවරුවේ (16) පණ්ඩිත් අමරදේවයන් හමු වී වැඩිදුරටත් සාකච්ඡා කළේය.
මේ වන විට කොළඹ අවටින් මේ සඳහා අවශ්‍ය ඉඩමක් සොයා ගැනීමේ කටයුතු ආරම්භ කර ඇති බව ගයන්ත ඇමතිවරයා මෙහිදී අමරදේවයන් වෙත දැන්වීය. බොහෝ දෙනෙකුට මේ පිළිබඳව පැවසූවත් එය ඵලක් නොවූ බවත්, ගයන්ත අමාත්‍යවරයාට කියූ සැනින් ඒ සඳහා මැදිහත් වීම ඉතා අගය කරන බව ද අමරදේවයන් මෙහිදී ප්රකාශ කළේය.
මෙම හමුවීම සඳහා නියෝජ්‍ය ඇමති කරු පරණවිතාන, අමාත්‍ය ලේකම් වජිර නාරම්පනාව, රූපවාහිනි සංස්ථාවේ සභාපති රවී ජයවර්ධන, අධ්‍යක්ෂ ජනරාල් සුනිල්ශාන්ත මහත්වරු සහභාගී වූහ.
