මහාචාර්ය ලෝනා දේවරාජාගේ ‘ උඩරට රාජධානිය‘ නම් පර්යේෂණ ග්‍රන්ථය පාදක කර ගනිමින් නිර්මාණය කළ මෙම චිත්‍රපටයට ඇමෙරිකාව, ජර්මනිය, ඉන්දියාව, කොරියාව සහ ඊජිප්තුව ඇතුළු රටවල් විසින් ඉදිරිපත් කළ චිත්‍රපට 219ක් අභිබවා මෙම චිත්‍රපටය ජයග්‍රහණය කිරීම මෙරට චිත්‍රපට කලාවේ සුවිශේෂි ජයග්‍රහණයකි.
එම සම්මානය ලබා ගැනීමෙන් අනතුරුව එම චිත්‍රපටය අධ්‍යක්ෂණය කළ දේවින්ද කෝන්ගහගේ මහතා අද දිවයිනට පැමිණීමට නියමිතය.
මාලනී ෆොන්සේකා, ශ්‍රියන්ත මෙන්ඩිස්, රොෂාන් රවීන්ද්‍ර, රොෂාන් පිලපිටිය, උදයන්ති කුලතුංග, චන්දික් නානායක්කාර, සිරිමල් විජේසිංහ, දීපානී සිල්වා, මහේන්ද්‍ර පෙරේරා, නිලන්ති විජේසිංහ, කාන්චනා මෙන්ඩිස්, රිචඩ් මානමුදලි යන පිරිස මෙම චිත්‍රපටයේ රංගනයෙන් දායක වූවෝ වෙති.
මෙහි සංගීත නිර්මාණය නවරත්න ගමගේගෙනි.
