සෝම සමිඳු දැයට අහිමි වී වසර දොළහක් සපිරේ. අපවත් වී වදාළ පූජ්‍ය ගංගොඩවිල සෝම ස්වාමීන්ද්‍රයන් වහන්සේගේ දොළොස් වැනි ගුණ සමරු පින්කම දෙසැම්බර් මස 12 වැනි සෙනසුරාදා පස්වරු 4.00ට මහරගම සිරි වජිරඤාණ ධර්මායතනයේදී පැවැත්වීමට ජනවිජය පදනම කටයුතු සංවිධානය කර තිබේ.
එදින සෝමහිමි ගුණසමරු විශේෂ දේශන උතුරු ඇමරිකාවේ ප්‍රධාන සංඝනායක, වොෂින්ටන් බෞද්ධ විහාරාධිපති අතිපූජ්‍ය මහරගම ධම්මසිරි නාහිමිපාණන් වහන්සේ, මහාචාර්ය අගලකඩ සිරිසුමන හිමි සහ ප්‍රවීණ දේශක අශෝක මැණික්ගොඩ මහතා විසින් පවත්වනු ලබති. සෝමහිමි විශේෂ ගුණ සමරු ගී ගායනා සංගීතවේදී දයාන් විතාරණ මහතා සහ ප්‍රවීණ සංගීත අධ්‍යක්ෂක ජගත් වික්‍රමසිංහ මහතා විසින් සිදුකරනු ලබති.
මෙම අවස්ථාවේ දී සෝම හිමි විශේෂ ගුණ සමරු දේශනවලට අමතරව විශේෂ ආලෝක පූජාවක් සහ තවත් පින්කම් රාශියක් උත්සවයට සමඟාමීව සංවිධානය කර ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
