හෙළයේ මහා ගාන්ධර්ව පණ්ඩිත් අමරදේවයන්ගේ ජන්ම දිනයට සුබ පැතුම් එක් කිරීමට පාර්ලිමේන්තු ප්‍ර‍තිසංස්කරණ හා ජනමාධ්‍ය අමාත්‍ය ගයන්ත කරුණාතිලක මහතා එතුමාගේ නිවසට ඊයේ (05) උදේ ම ගියේය.
අමාත්‍යවරයාගේ පැමිණීම සම්බන්ධයෙන් ඉතාම සතුටු වූ අමරදේවයන් මෙතෙක් කල් තමාගේ සිහිනයක්ව තිබූ "අමරදේව සංගීත ආශ්‍රමය" ඉදිකරවා දෙන මෙන් ඇමතිවරයගෙන් ඉල්ලීමක් කළේය. එහිදී අදහස් දැක්වූ ඇමතිවරයා එම සිහිනය හැකි කඩිනමින් ඉටු කර දීමට අවශ්‍ය පියවර ගන්නා බවට පොරොන්දුවක් ද ලබා දුන්නේය .
ගායකයෙකු, සංගීතවේදියෙකු, පර්යේෂකයෙකු හා නව නිර්මාණ හඳුන්වා දුන් අපූර්ව කලාකරුවෙකු වන ආචාර්ය පණ්ඩිත් ඩබ්ලිව්.ඞී. අමරදේවයන්ගේ 88වන ජන්ම දිනය ඊයේ (05) දිනට යෙදී තිබුණි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
