තාක්ෂණ හා පර්යේෂණ අමාත්‍යාංශයට අනුබද්ධ ආයතනයක් වන ශ‍්‍රී ලංකා නව නිපැයුම්කරුවන්ගේ කොමිසම මඟින් වාර්ෂිකව සංවිධාන කරනු ලබන ‘‘සහසක් නිමැවුම්’’ ජාතික නව නිපැයුම් ප‍්‍රදර්ශනය 2015 වර්ෂයේදීද පැවැත්වූ අතර, එහි ජයග‍්‍රාහී නව නිපැයුම්කරුවන් සඳහා ත්‍යාග, සහතිකපත‍්‍ර හා කුසලාන ප‍්‍රදානය කිරීම අද (02) බණ්ඩාරණායක සම්මන්ත‍්‍රණ ශාලාවේදී පැවැත්වේ.
තාක්ෂණ හා පර්යේෂණ අමාත්‍ය ගරු සුසිල් පේ‍්‍රමජයන්ත මහතාගේ ප්‍රධානත්වයෙන් මෙම ‘‘සහසක් නිමැවුම් - 2015’’ ජාතික නව නිපැයුම් ප‍්‍රදර්ශනයේ සම්මාන ප‍්‍රදානෝත්සවය පැවැත්වීමට නියමිතය.
පාසල්, විශ්වවිද්‍යාල/තාක්ෂණ විද්‍යාල, විවෘත හා වානීජකරණ අංශයන් නියෝජනය කරමින් ප‍්‍රධාන තාක්ෂණික ක්ෂේත‍්‍ර 13 ක් යටතේ නව නිර්මාණ තරඟාවලිය පැවැත්වූ අතර, එහිදී ජයග‍්‍රහණය කළ නව නිර්මාණකරුවන් 71 දෙනෙකු මෙහිදී ඇගයීමට ලක් කෙරේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
