පසුගියදා ශ්‍රී ලංකාවේ චීන තානාපති යී ෂියෑංග් ලියෑංග් මහතා විසින් ශ්‍රී ලංකා ජාතික පුස්තකාල මණ්ඩලයේ සභාපති ආචාර්ය ඩබ්.ඒ. අබේසිංහ මහතා හමුවූ අවස්ථාවේ ශ්‍රී ලංකා ජාතික පුස්තකාලයේ තොරතුරු හා සන්නිවේදන තාක්ෂණ පුහුණු වැඩසටහන ඩිජිටල්කරණය කිරීම සඳහා රුපියල් මිලියන 2ක මූල්‍යමය පරිත්‍යාගයක් ලබා දෙන ලදී.
තානාපති යි මහතා මෙහිදී පැවසුවේ පුස්තකාල ධාරිතා සංවර්ධනය ඇතුළු සංස්කෘතික හා අධ්‍යාපනික යන ක්ෂේත්‍රයන් වලදී චීනය තවදුරටත් ශ්‍රී ලංකාව සමඟ හුවමාරු සහයෝගීතාව ශක්තිමත් කරගැනීමට සූදානම්ව සිටින බවයි. චීනය ශ්‍රී ලංකා ජාතික පුස්තකාල සංවර්ධනය සඳහා සිය දායකත්වය උපරිමයෙන් ලබා දීමට බලාපොරොත්තු වන බව ද ඒ මහතා පැවසීය.
ආචාර්ය අබේසිංහ මහතා විසින් ශ්‍රී ලංකා ජාතික පුස්තකාලයට හා අනෙකුත් සංස්කෘතික ආයතනයන් සඳහා චීනය දක්වන දිගු-කාලීන සහාය අගය කරන ලදී.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
