මෙහි සමාරම්භක වැඩසටහන පසුගියදා අනුරාධපුර දිස්ත්‍රික් ලේකම් කාර්යාලයේ දී පැවැත්විණි. එහිදී අනුරාධපුර දිස්ත්‍රික්කයේ ප්‍රාදේශිය ලේකම් කොට්ඨාස 22 නියෝජනය වන පරිදි ගම්මාන 25 ක විහාරාධිපති ස්වාමින්වහන්සේලා , ග්‍රාමනිලධාරිවරුන් , කාන්තා නිලධාරින්, පවුල් සෞඛ්‍ය සේවා නිලධාරින් ඇතුළු විශාල පිරිසක් එක්ව සිටියහ.
අනුරාධපුර මහ දිසාපති ඩි.පී.ජී. කුමාරසිරි, බුද්ධශාසන අමාත්‍යංශයේ අතිරේක ලේකම් රමණි ගුණතිලක ඇතුළු උසස් රාජ්‍ය නිලධාරින්ගේ ප්‍රධානත්වයෙන් මෙම උත්සවය පැවැත්විණි. අනුරාධපුර දිස්ත්‍රික් බෞද්ධ කටයුතු අංශය මගින‍් වැඩසටහන සංවිධානය කර තිබිණි.
පුණ්‍ය ග්‍රාම විශේෂ සාරධර්ම වැඩසටහනේ දී ප්‍රධාන වැඩසටහන් දෙකක් ක්‍රියාවට නැංවේ. ඒ සාරධර්ම සුරැකීමේ අධ්‍යාත්මික වැඩසටහන හා විහාරස්ථාන කේන්ද්‍රකරගත් භෞතික සංවර්ධන වැඩසටහන ලෙසිනි.
ශක්තිමත් සෞඛ්‍ය හා ආර්ථික වටපිටාවක් රට තුල නිර්මාණය කිරිම අතිශය වැදගත් වේ. එම නිසා ජනතාව ක්‍රම ක්‍රමයෙන් අයහපත් මෙන්ම සමාජ විරෝධි ක්‍රියාවන් හි නිරතවිමේ නැඹුරුව අවම කළ යුතුය. ඒ සඳහා දෙමාපියන් හා දරුවන් අතර යහපත් සබඳතාවක් ගොඩනැගීම අත්‍යවශ්‍ය වේ. ඊට පැවිදි පිරිසේ සහය අත්‍යවශ්‍ය ය. මේ නිසා විහාරස්ථාන කේන්ද්‍රකරගනිමින් ග්‍රාමිය ආර්ථික , සමාජ , දේශපාලන , සංස්කෘතික , පාරිසරික ආදි තත්ත්ව නංවාලීමට මෙම වැඩසහන ඉතා වැදගත් මුලාරම්භයක් වනු ඇත.
සංගීත වැඩසහන් , මනෝ විද්‍යාත්මක වැඩසහන්, සිසු නිපුණතා ඇගයිම් මෙන්ම විවිධ දේශන වලින් මෙම වැඩසහන යටතේ ක්‍රියාත්මක කෙරේ.
SDF/SB_dmu_anuradapura
