ආරම්භක සම්මන්ත්‍රණය පූජ්‍ය භානගල උපතිස්ස මහනායක හිමියන්ගේ හා මහා සංඝරත්නයේ සහභාගිත්වයෙන් මෙන් ම බුද්ධ ශාසන රාජ්‍ය පරිපාලන හා බුද්ධ ශාසන අමාත්‍ය කරු ජයසූරිය, උතුරු පළාත් ආණ්ඩුකාර එච්.එම්.ජී.එස්. පලිහක්කාර මහත්වරුන්ගේ සහභාගිත්වයෙන් ආරම්භ වේ.
මෙම සමුළුව සඳහා දකුණු ඉන්දියානු දෙමළ බෞද්ධ බැතිමතුන් 65දෙනෙකු සහභාගිවන අතර ශ්‍රී ලංකාව නියෝජනය කරමින් දෙමළ බෞද්ධ බැතිමතුන් 200දෙනෙකු පමණ සහභාගිවීමට නියමිතය.
ආරම්භක සැසියෙන් අනතුරුව පැවැත්වෙන කුඩා සැසි දෙකක දී බුදුන් වහන්සේගේ "මහා කරුණාව" සම්බන්ධයෙන් පත්‍රිකා 08ක් සාකච්ඡාවට භාජනය වනු ඇත.
ශ්‍රී ලංකා අග්‍රාමාත්‍ය රනිල් වික්‍රමසිංහ මහතාගේ උපදේශකත්වයෙන් අග්‍රාමාත්‍ය කාර්යාලයේ අනුග්‍රහයෙන් පැවැත්වෙන මෙම සමුළුව සඳහා ඉන්දියානු සංවිධාන කිහිපයක් ද අනුග්‍රහය දක්වනු ඇත.
මෙම සමුළුව ජාත්‍යන්තර වශයෙන් ප්‍රථමවරට පැවැත්වෙන්නේ මෙවර වුවද මීට පෙර අවස්ථා 07ක් විශ්වවිද්‍යාල මට්ටමින් පවත්වා ඇත.
මෙම තොරතුරු (18) රජයේ ප්‍රවෘත්ති දෙපාර්තමේන්තුවේ පැවැති ප්‍රවෘත්ති සාකච්ඡාවකදී පූජ්‍ය භානගල උපතිස්ස ස්වාමීන් වහන්සේ විසින් ප්‍රකාශ කරන ලදහ. මෙහිදී ඉන්දියාවේ මදුරෙයි ධම්මවිජය මහා විහාරයේ පූජ්‍ය ආචාර්ය බෝධිපාල ස්වාමීන් වහන්සේ ද අදහස් ප්‍රකාශ කළහ. මීට අමතර ව ප්‍රවීණ ලේඛක මඩුලුගිරියේ ආචාර්ය විජේරත්න මහතා ද මෙහිදී අදහස් ප්‍රකාශ කළේය.
DB
