කලාකරු විශ්‍රාම වැටුප් යෝජනා ක්‍රමය යටතේ 2015 වර්ෂයේ විශ්‍රාම වැටුප් හිමිවන කලාකරුවන් 35 දෙනෙකුට විශ්‍රාම වැටුප් මෙදින පිරිනැමීමට නියමිතය. මෙම විශ්‍රාම වැටුප් ක්‍රමයේ විශේෂත්වය වන්නේ මෙම ක්‍රමයට දායක වන සියලු කලාකරුවන්ගේ මාසික වාරික මුදල් සංස්කෘතික කටයුතු දෙපාර්තමේන්තුව මගින් ගෙවනු ලැබීමය. මෙම ක්‍රමයට දායක වන සියලු කලාකරුවන්ට වයස අවු. 60 සිට ජීවිතාන්තය දක්වා ස්ථිර විශ්‍රාම වැටපක් හිමි වන අතර කලාකරුවාගෙන් පසුව කලත්‍රයාට එම විශ්‍රාම වැටුප හිමි වේ.
කලාකරු හැදුනුම්පත් ප්‍රදානයේ දෙවැනි අදියරේ කලාකරු හැඳුනුම්පත් හිමි කලාකරුවන් 500 දෙනෙකුට මෙදින හැඳුනුම්පත් ලබාදෙන අතර එම හැඳුනුම්පත් හිමි කලාකරුවන් දැනුවත් කර ඇත. හැදුනුම්පත් අයදුම් කළ සුදුසුකම්ලත් අනිකුත් කලාකරුවන් සඳහා ඉදිරියේ දී හැඳුනුම්පත් නිකුත් කිරීමට සංස්කෘතික කටයුතු දෙපාර්තමේන්තුව සැලසුම් කර ඇත.
DB
