මෙවර වෙසක් උත්සවය උත්කර්ෂවත්ව පැවැත්වීමට රජය විධිවිධාන යොදා ඇත. ඒ සම්බන්ධයෙන් රාජ්‍ය නිලධාරීන් සමඟ සාකච්ඡාවක් මහියංගන රජමහා විහාරස්ථානයේ දී පසුගියදා පැවැත්වූ අතර මේ සඳහා කැබිනට් අනුකාරක සභවක් ද පත් කර තිබේ.
ප්‍රධාන වෙසක් උත්සවය ඓතිහාසික මහියංගන පුදබිම කේන්ද්‍ර කරගනිමින් පැවැත්වේ. ඊට සමඟාමීව දිවයින පුරා වෙසක් උත්සව පැවැත්වීමට ද කටයුතු යොදා ඇතැයි බුද්ධශාසන කටයුතු භාර අමාත්‍ය කරූ ජයසූරිය මහතා එහිදී ප්‍රකාශ කර තිබේ.
ජ්‍යෙෂ්ඨ අස්ගිරි කාරක සංඝ සභාවේ ලේඛකාධිකාරී හා මහියංගන රජමහා විහාරස්ථානයේ විහාරාධිපති උරුලෑවත්තේ ධම්මරඛ්ඛිත හිමිපාණන්ගේ මඟ පෙන්වීම යටතේ මෙම වැඩ කටයුතු සිදු කරනු ලැබේ.
මෙම අවස්ථාව ජාතික රූපවාහිනිය මගින් සජීවීව විකාශනය කිරීමට ද මේ වන විට කටයුතු සම්පාදනය කරමින් පවතියි.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
