_large.jpg)
චීන මාධ්‍ය සමූහය (China Media Group) සහ ශ්‍රී ලංකා සංචාරක ප්‍රවර්ධන කාර්යංශය අතර අවබෝධතා ගිවිසුමක් අත්සන් කිරීමට විදේශ කටයුතු, විදේශ රැකියා සහ සංචාරක අමාත්‍යතුමා විසින් ඉදිරිපත් කළ යෝජනාවට අමාත්‍ය මණ්ඩලයේ අනුමැතිය හිමිවූ බව කැබිනට් ප්‍රකාශක ජනමාධ්‍ය අමාත්‍ය වෛද්‍ය නලින්ද ජයතිස්ස මහතා සඳහන් කරයි.
අමාත්‍යවරයා මේ බව පැවසුවේ පසුගියදා (07) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.
දෙපාර්ශවය අතර ඇති කරගන්නා එකඟතාවය මත චීන මාධ්‍ය සමූහයේ තාක්ෂණය සහ විශේෂඥ දැනුම උපයෝගී කරගනිමින් ශ්‍රී ලංකාවට චීන සංචාරකයින් වැඩිපුර ගෙන්වා ගැනීමටත්, ශ්‍රී ලංකාව ප්‍රමුණ ගමනාන්තයක් බවට තහවුරු කිරීමේ අරමුණෙන් මෙම අවබෝධතා ගිවිසුම අත්සන් කරන බවද වැඩිදුරටත් පැවසුවේය.
