මෙහිදී ගුහාගොඩ විද්‍යාලය, පූජාපිටිය කළුවාන විද්‍යාලය, මාරතුගොඩ නාලන්දා විද්‍යාලය, මාරතුගොඩ විදුමිණ පිරිවෙන, වල්දෙනිය ප්‍රාථමික විද්‍යාලය, වෑවල පරාක්‍රම විද්‍යාලය, උඩගම විද්‍යාලය, බටගොල්ලාදෙනිය ජමාලියා විද්‍යාලය, ඕවිස්ස විද්‍යාලය, වටගොඩ ක්‍රීඩාපිටිය යන ක්‍රීඩාපිටිවල වැඩ ආරම්භ කිරීම සිදුකෙරුණු අතර ප්‍රදේශයේ පාසල් සඳහා ක්‍රීඩා භාණ්ඩ බෙදා දීම ද ක්‍රීඩා අමාත්‍ය මහින්දානන්ද අලුත්ගමගේ මහතා අතින් මෙහිදී සිදුවිය.
දිවයිනේ සෑම පාසල් සිසුවෙකුට ම ක්‍රීඩාව අනිවාර්යය කර තිබෙන බැවින් පාසල් ක්‍රීඩා සංවර්ධනය කිරීම අනිවාර්යය කටයුත්තක් ලෙස සලකා දිවයිනේ සෑම පාසලකට ම උපරිම රුපියල් ලක්ෂ 5ක ක්ෂණික වැය ඇස්තමේන්තුවක් යටතේ කුඩා ක්‍රීඩාංගණ ප්‍රතිසංස්කරණය සඳහා ලබාදීමට ක්‍රීඩා අමාත්‍යාංශය කටයුතු කරන අතර දිවයිනේ තෝරාගත් පාසල් සඳහා ක්‍රීඩා පහසුකම් වැඩිදියුණු කිරීමට මිලියන 200ක් මේ වනවිටත් වැය කර ඇතැයි ක්‍රීඩා අමාත්‍යාංශය පවසයි.
මෙම අවස්ථාවට මහනුවර දිස්ත්‍රික් පාර්ලිමේන්තු මන්ත්‍රී චරිත් ප්‍රසන්න වීරවර්ධන මහතා ඇතුළු ක්‍රීඩා සංවර්ධන දෙපාර්තමේන්තුවේ නිලධාරීහු පිරිසක් ද සහභාගී වූහ.
DB
