චීනයේ පැවැත්වෙන 19 වැනි ආසියානු ක්‍රීඩා උළෙලේ පන්දුවාර විස්සයි විස්ස කාන්තා ක්‍රිකට් තරගාවලියේ අවසන් මහා තරඟය ශ්‍රී ලංකා සහ ඉන්දියාව අතර අද(25) පැවැත්වෙනවා.

මෙරට වේලාවෙන් පෙරවරු 11.30ට චීනයේ Hangzhou ක්‍රිකට් ක්‍රීඩාංගණයේදී තරඟය ආරම්භ වීමට නියමිතයි.

දෙවැනි අවසන් පූර්ව තරගයේ දී පාකිස්තානය පරදමින් කඩුලු 6 ක ජයක් වාර්තා කරමින් අවසන් මහා තරගයට සුදුසුකම් ලබා ගැනීමට ශ්‍රී ලංකා‌ කාන්තා පිළ සමත්වුනා.

ඉන්දියාව සමග පැවැත්වෙන අවසන් මහා තරගයෙන් ශ්‍රී ලංකා කාන්තාවෝ ජයගතහොත් ඉතිහාසයේ පළමු වරට ආසියානු ක්‍රීඩා උලෙළේ කාන්තා ක්‍රිකට් රන් පදක්කම ශ්‍රී ලංකාව සතු වන අතර, යම් හෙයකින් පරාජයට පත් වුවහොත් කාන්තා ක්‍රිකට් ක්‍රීඩිකාවෝ ආසියානු රිදී පදක්කම ලක්මාතාව ඉදිරියේ සටහන් කරනු ඇත.