ශ්‍රී ලංකා පාපන්දු සම්මේලනයට අදාළව ගොනුකර තිබූ අභියාචනාධිකරණ නඩු වාරයේ දී ලබා දුන් තීරණය අනුව ක්‍රීඩා සංවර්ධන දෙපාර්තමේන්තුව මඟින් ශ්‍රී ලංකා පාපන්දු සම්මේලනයේ නිලවරණය පැවැත්වීමට අදාළ විශේෂ මහසභා රැස්වීම 11 වන දින පෙ.ව. 10 ට ක්‍රීඩා හා යෞවන කටයුතු අමාත්‍යාංශයේ දී සාර්ථක ලෙස පවත්වා අවසන් කරන ලදී.
එහි දී 2022-2023 වර්ෂයට අදාළව ශ්‍රී ලංකා පාපන්දු සම්මේලනයේ නිලවරණය පැවැත්වීම සඳහා නිලවරණ කමිටුව ලෙස නිළධාරීන් තිදෙනෙක් නිතරඟයෙන් නිලවරණ කමිටු සාමාජිකයින් ලෙස තේරී පත්විය.
සභාපති වශයෙන් විශ්‍රාමලත් මහාධිකරණ විනිසුරු යූ.එල් මජීඩ් මහතා හා කමිටු සාමාජිකයින් වශයෙන් විශ්‍රාමලත් මහාධිකරණ විනිසුරු ඒ.එල්. බන්ධුල කුමාර අතපත්තු මහතා සහ විශ්‍රාමික ජ්‍යෙෂ්ඨ රජයේ නිළධාරී සිරිපාල මැදවැව මහතා ඒ අනුව පත්වී තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
