මෙම වසරේ මාර්තු මාසයේ ගිනියාවෙන් වාර්තා වූ එබෝලා රෝගය ඉන්පසුව සියෙරාලියොන්, ලයිබීරියා සහ නයිජීරියාව දක්වා පැතිර ගොස් තිබේ. මාරාන්තික එබෝලා වෛරසය යුරෝපය සහ ආසියාවටත් පැතිරීමේ අවදානමක්‌ තිබෙන බව ජාත්‍යන්තර සෞඛ්‍ය විශේෂඥයෝ පෙන්වා දෙති.
ලෝකය පුරා රටවලට මෙම රෝගය වළක්වා ගැනීමට ක්‍රියාමාර්ග ගන්නා ලෙස ලෝක සෞඛ්‍ය සංවිධාන ප්‍රධානී වෛද්‍ය මාග්‍රට් චෑන් (Margaret Chan) මාධ්‍ය වෙත උපදෙස් නිකුත් කර තිබේ.
එබෝලා යනු වෛරසයක් නිසා වැළඳෙන රෝගයකි. රෝගීන්ගේ රුධිරය හා ස්‍රාවයන් ස්පර්ශ වීමෙන් රෝගය තවත් අයෙකුට බෝවිය හැක. මෙම රෝගය සඳහා තවමත් කිසිදු ප්‍රතිකාරයක් සොයාගෙන නොමැති අතර රෝගය වැළඳුණ පසු සුව කිරීමේ ප්‍රතිශතය ඉතා අඩු බැවින් රෝගියා මිය යාමට ඇති ඉඩකඩ ඉතා ඉහළ මට්ටමක පවතී.
SDF
