මොවුන් අතරින් 8 දෙනෙකු පිරිමි පුද්ගලයින් වේ. මෙම පිරිස කුවේට් තානාපති කාර්යාලයේ පිහිටි විදේශ සේවා නියුක්ති කාර්යාංශයට අයත් සුරක්ෂා නිවාසයේ රැකවරණයේ සිටි පුද්ගලයින් වන අතර වීසා කාලය ඉක්මවා සේවයේ යෙදී සිටීම, ගිවිසුම් ගත රැකියාව නොලැබීම, විවිධ ශාරීරික හිංසන ඇතුළු ගැටලු රැසකට මෙම පිරිස ලක්ව ඇත.
පසුගිය දා කුවේට් රාජ්‍යයේ සංචාරයක නිරත වූ විදේශ රැකියා අමාත්‍ය තලතා අතුකෝරළ මහත්මිය මෙම සුරක්ෂා නිවාසය නිරීක්ෂණ චාරිකාවක නිරත වූවාය.
එහිදී අදාළ කාන්තාවන්ගේ ගැටළු පිළිබඳව විමසා සිටි අමාත්‍යවරයා ඔවුන්ගේ ගැටළු පිළීබඳව දැඩි අවධානය යොමු කරමින් කඩිනමින් මෙම පිරිස දිවයිනට ගෙන්වා ගැනීමට කටයුතු කර ඇත.
සුරක්ෂා නිවාසයේ රැඳී සිටින අනෙකුත් පිරිසද කඩිනමින් දිවයිනට ගෙන්වා ගැනීමට අවශ්‍ය උපදෙස් අමාත්‍යවරිය විසින් ලබා දී තිබේ.
මෙසේ පැමිණි පුද්ගලයින් අනුරාධපුර, ගාල්ල, ති‍්‍රකුණාමලය, මහනුවර, මඩකලපුව, කුරුණෑගල, පොලොන්නරුව යන ප‍්‍රදේශවල පදිංචිකරුවන් වෙති.
