ඒ අනුව නාගරික සංවර්ධන අධිකාරියේ සැලසුම් සහ මුල්‍ය දායකත්ව‍ය යටතේ නාවික හමුදාවේ ශ්‍රම දායකත්වයෙන් කඩිනමින් ප්‍රතිසංස්කරණය කෙරුණු මෙම ගොඩනැගිලි සංකීර්ණය නවීන අංගෝපාංගයන්ගෙන් සමන්විතය.
මේ වන විට විද්‍යාලයේ ප්‍රාථමික අංශයේ සිට උසස් පෙළ දක්වා පිරිමි දරුවන් 1600ක් පමණ ඉගෙනු ම ලබති.
වසර 193ක ඉතිහාසයක් ඇති දිවයිනේ පැරණිතම පාසල් අතරින් එකක් වන කෝට්ටේ ශ්‍රී ජයවර්ධනපුර මහා විද්‍යාලයේ ඉපැරණි නේවාසික ගොඩනැගිලි දිගු කාලයක සිට ගරා වැටෙමින් පැවතිණ.
මේ පිළිබඳ ව විශේෂ අවධානයක් යොමු කළ රාජ්‍ය ආරක්ෂක හා නාගරික සංවර්ධන අමාත්‍යංශයේ ලේකම්වරයා එහි දරුවන්ගේ ආරක්ෂාව හා පහසුව වෙනුවෙන් නේවාසිකාගාරය කඩිනමින් ප්‍රතිසංස්කරණය කිරීමේ වගකීම නාගරික සංවර්ධන අධිකාරියට සහ නාවික හමුදාව වෙත පැවරීය.
මෙම අවස්ථාවට හිටපු අමාත්‍ය රෝහිත බෝගොල්ලාගම, පළාත් සභා මන්ත්‍රීවරුන් වන හෙක්ටර් බෙත්මගේ, ඉසුර දේවප්‍රිය, ජගත් පුෂ්ප කුමාර, කෝට්ටේ නගරාධිපති ජනක රණවක මහත්වරු, විදුහල්පතිතුමන් ඇතුළු ගුරු භවතුන් සහ සිසු දරුවන් මෙන් ම දෙමාපියන් විශාල පිරිසක් ද සහභාගි වූහ.
DB
