වයඹ පළාත් සමාජ සුභ සාධන, පරිවාස හා ළමාරක්ෂක, වනිතා කටයුතු, ග්‍රාමීය කර්මාන්ත සංවර්ධන අමාත්‍යංශයේ මඟ පෙන්වීම යටතේ විශේෂ අවශ්‍යතා ඇති දරුවන්ට සහ තැලසීමියා සේවාලාභී දරුවන් වෙනුවෙන් නිල ඇඳුම් සහ පාසල් උපකරණ ලබාදීමේ වැඩසටහනක් දෙසැම්බර් 03 පෙ.ව. 9.30 ට වයඹ පළාත් සභා ශ්‍රවණාගාරයේදී පැවැත්වීමට නියමිතය.
ජාත්‍යන්තර ආබාධිත දිනයට සමගාමී ව වයඹ සමාජ සේවා දෙපාර්තමේන්තුව මඟින් ''නැණ සවිය'' වැඩසටහන යටතේ මෙය සංවිධානය කර ඇත.
වයඹ පළාත් සමාජ සුබසාධන, පරිවාස හා ළමාරක්ෂක, වනිතා කටයුතු, ග්‍රාමීය කර්මාන්ත සංවර්ධන අමාත්‍ය සන්ධ්‍ය කුමාර රාජපක්ෂ මහතාගේ ආරාධනයෙන් වයඹ පළාත් ප්‍රධාන අමාත්‍ය නීතිඥ දයාසිරි ජයසේකර මහතාගේ සහභාගීත්වයෙන් හා වයඹ පළාත් ආණ්ඩුකාරවර නීතිඥ තිස්ස ආර්. බලල්ල මැතිතුමන්ගේ ප්‍රධානත්වයෙන් මෙම වැඩසටහන පැවැත් වේ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
