බන්ධනාගාර රැඳවූවන්ගේ දරුවන් සඳහා අභ්‍යාස පොත් බෙදා දීමක් පුනරුත්ථාපන හා බන්ධනාගාර ප්‍රතිසංස්කරණ අමාත්‍ය චන්ද්‍රසිරි ගජදීර මහතාගේ ප්‍රධානත්වයෙන් පසුගියදා මාතර බන්ධනාගාරයේ දී සිදු කෙරිණි.
මෙහිදී සියලු ම නේවාසික රැඳවූවන් නියෝජනය වන පරිදි දරුවන් 101 දෙනෙකු සඳහා අභ්‍යාස පොත් ලබා දීමට කටයුතු කෙරිණි. මේ සඳහා සම්පත් දායකත්වය මාතර බාලදක්ෂ සංගමයේ සභාපති ලයනල් සිල්වා සහ මාතර නාගරික මන්ත්‍රී ප්‍රියන්ත රත්නායක යන මහත්වරු ලබා දුන්හ.
මෙම අවස්ථාව සඳහා මාතර උප නගරාධිපති රංජිත් යසරත්න, මාතර බන්ධනාගාරයේ බන්ධනාගාර අධිකාරී ධම්මික යන මහත්වරු, මාතර රෝහලේ අධ්‍යක්ෂතුමා ඇතුළු බන්ධන්ගාර නිලධාරීහු සහ රැඳවියන්ගේ පවුල්වල සාමාජිකයෝ සහභාගී වූහ.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
