මෙහිදී ශ‍්‍රී ලංකා වයඹ විශ්ව විද්‍යාලයේ, කළමණාකරණ හා මූල්‍ය පීඨයේ ජ්‍යෙෂ්ඨ කථිකාචාර්ය ආචාර්ය අමිත් මෙත්සිල පෙරේරා මහතා ද මේ පිළිබඳ අදහස් දැක්වීමට නියමිතය.
2015 වසරට අදාළව ඉදිරිපත් කර ඇති අය-වැය දැනුම් ආර්ථිකයක් මූලික කරගත් නවොත්පාදනය ප‍්‍රමුඛව සකස් කරගත් අය-වැයක් ලෙස රජය නම් කොට තිබෙන අතර විපක්ෂය විසින් ඊට විරුද්ධ අදහසක් පළ කරමින් එහි සාවද්‍ය බවට තර්ක ගොඩනගමින් තිබේ.
ඒ අනුව, විනෝදාස්වාදයෙන් තොර දේශීය නිෂ්පාදකයා සවිමත් කරමින් දේශීය වෙළදපොළ බල ගන්වන ඉලක්කයක් 2015 අයවැයෙහි තිබේද? , එය දැනුම් ආර්ථිකයක් වෙනුවෙන් රට ගොඩනගන්නට උපකාරී වේද? , නැතහොත් එය 2015 අයවැය වෙනුවෙන් විද්‍යුත් සහ මුද්‍රිත මාධ්‍යයේ පළ වූ දැන්වීමට පමණක් සීමාවේද? යන කරුණු පිළිබඳව ගැඹුරින් අධ්‍යනය කොට මෙම විද්වත් සංවාදය සිදු කිරීමට සැලසුම් කර ඇත.
