මහින්ද චින්තන ඉදිරි දැක්ම සාක්ෂාත් කර ගනිමින් මහින්දෝදය ද්විතීයක පාසල් 1000ක් ප්‍රතිනිර්මාණය කිරීමේ ජාතික වැඩපිළිවෙළ යටතේ බස්නාහිර පළාතේ රාජගිරිය හේවාවිතාරණ මහා විද්‍යාලයේ ඉදිකරන ලද මහින්දෝදය තාක්ෂණික විද්‍යාගාරය අද (19) ජනාධිපති මහින්ද රාජපක්ෂ මැතිතුමාගේ සුරතින් සිසු අයිතියට පත්කිරීමට නියමිතයි.
මේ එක් මහින්දෝදය තාක්ෂණික විද්‍යාගාරයක් පරිගනක 40කින් සමන්විත පරිගනකාගාරයක්, පරිගනක 20කින් සමන්විත භාෂාගාරයක්, ගණිතාගාරයක්, විද්‍යාගාරයක්, දුරස්ථ අධ්‍යාපනය සඳහා නැණස අධ්‍යාපන ඒකකයක් යන අංගයන්ගෙන් සමන්විත වේ. ඒ සඳහා රුපියල් ලක්ෂ 200ක් වැය කර තිබේ.
මෙම අවස්ථාවන් සඳහා මැති ඇමැතිවරුන්, පාර්ලිමේන්තු මන්ත්‍රීවරුන්, පළාත් සභා සහ ප්‍රාදේශීය සභා මන්ත්‍රීවරුන් ඇතුළු පිරිසක් එක්වීමට නියමිතය.
NDH/kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
