වන්නි ආරක්ෂක සේනා මූලස්ථාන ආඥාපති මේජර් ජෙනරාල් බොනිෆස් පෙරේරා මහතාගේ උපදෙස් මත එම මූලස්ථානය විසින් රෙජිමේන්තු සැරයන් මේජර්වරුන් 70 දෙනෙකු සඳහා දෙදින පුහුණු වැඩසටහනක් පසුගියදා ආරම්භ කරන ලදී.
පසුගිය සඳුදා සහ අඟහරුවාදා පැවති මේ පුහුණු වැඩසටහන වන්නි ආරක්ෂක සේනා මූලස්ථාන ශ්‍රවණාගාරයේ දී පැවැත්විණි. මෙම වැඩසටහනේ ආරම්භක දේශනය ප්‍රධාන මාණ්ඩලික බ්‍රිගේඩියර් එච්.පී. සෙනවිරත්න මහතා විසින් සිදු කරන ලදී.
රෙජිමේන්තු සැරයන් මේජර්වරුන් ලෙස තම රාජකාරිය ඉතා කාර්යක්ෂම අයුරින් ඉටු කළ යුතු ආකාරය පිළිබඳ ව දැනුවත් කිරීම මෙම වැඩමුළුවේ අරමුණ විය.
NDH/army.lk
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
