විදුලිබල නියෝජ්‍ය අමාත්‍ය එච්.එල්. ප්‍රේමලාල් ජයසේකර මහතාගේ ජන්ම දිනය ලබන 16 දිනට යෙදී ඇති අතර ඒ නිමිත්තෙන් එදින සවස 6.00ට ආශිර්වාද පහන් පූජා පිංකමක් ඓතිහාසික ශ්‍රී සංඛපාල රජමහා විහාරස්ථානයේදී සිදු කිරීමට නියමිතය.
නිවිතිගල ප්‍රාදේශීය සභාවෙන් සිය දේශපාලන ජීවිතය ආරම්භ කළ ජයසේකර මහතා නිවිතිගල ආසනයේ ශ්‍රී.ලං.නි.ප. ප්‍රධාන සංවිධායකවරයා ද වේ.
හිටපු මහවැලි ගංගාධාර හා ග්‍රාමීය කර්මාන්ත නියෝජ්‍ය අමාත්‍ය හා ග්‍රාමීය අමාත්‍ය කැබිනට් නොවන අමාත්‍ය ධූරයේ ද කටයුතු කර ඇති මොහු ශ්‍රී.ලං.නි.ප. තරුණ සංවිධානයේ භාණ්ඩාගාරික තනතුරත්, රත්නපුර දිස්ත්‍රික් ක්‍රිකට් සංගමයේ සභාපතිවරයා ලෙසත් දැනට කටයුතු කරයි.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
