ඒ මහතා මේ බව ප්‍රකාශ කළේ අද (11) රජයේ ප්‍රවෘත්ති දෙපාර්තමේන්තුවේ පැවැති ප්‍රවෘත්ති සාකච්ඡාවකට සහභාගි වෙමිනි.
ඒ අනුව බදුල්ල දිස්ත්‍රික්කය තුළින් ස්ථානීය පරීක්ෂාවන් සඳහා ඉල්ලීම් 357ක් ලැබී ඇති අතර ඉන් ස්ථාන 200ක් පරීක්ෂා කොට වාර්තාවන් නිකුත් කොට ඇති අතර පවුල් 487ක් අවදානම් සහිත බව හඳුනාගෙන ඇත. නුවරඑළිය දිස්ත්‍රික්කය තුළින් ඉල්ලීම් 254ක් ලැබී ඇති අතර ස්ථාන 100ක් පරීක්ෂා කොට වාර්තාවන් නිකුත් කොට ඇති අතර පවුල් 450ක් අවදානම් සහිත බව හඳුනාගෙන ඇත. මෙලෙස හඳුනාගත් පවුල් මේ වන විට ආරක්ෂිත ස්ථාන කරා යොමු කොට තිබේ.
මෙම ස්ථානීය පරීක්ෂාවන් සඳහා ජාතික ගොඩනැගිලි පර්යේෂණ ආයතනයේ නිලධාරී කණ්ඩායම් 05ක් බදුල්ල දිස්ත්‍රික්කය තුළ ද නුවරඑළිය දිස්ත්‍රික්කය තුළ කණ්ඩායම් 03ක් අවශ්‍ය කටයුතුවල නියැළී සිටිති.
මෙලෙස හඳුනාගන්නා අධි අවදානම් සහිත ස්ථානවල සිටින පවුල් වෙනත් ස්ථානවල පදිංචි කිරීමට අපේක්ෂා කරන බවත් එලෙස නැවත නව ස්ථානවල පදිංචි කිරීමේ දී එම ගම්මාන ආපදාවට ඔරොත්තු දෙන ගම්මාන ලෙස සංවර්ධනය කරන බවත් කරුණාවර්ධන මහතා වැඩිදුරටත් පෙන්වා දුන්නේය.
මෙම අවස්ථාව සඳහා ආපදා කළමනාකරණ අමාත්‍ය මහින්ද අමරවීර මහතා ප්‍රමුඛ අමාත්‍යංශයට අයත් සෙසු ආයතනවල ආයතන ප්‍රධානීහු සහභාගි වූහ.
DB
