රජය මඟින් ඉදිකිරීමට නියමිත උතුරු අධිවේගී මාර්ගයේ මහනුවර - කොළඹ කොටස ඉදිකිරීම් සම්බන්ධයෙන් දැනුවත් කිරීමේ විශේෂ මහජන දේශනයක් ලබන 11 වැනි දින ප.ව. 4. 00 සිට 5.00 දක්වා මහනුවර ඊ.එල්. සේනානනායක පුස්තකාල ශාලාවේදී පැවැත්වෙනු ඇත.
ශ්‍රී ලංකා ඉංජිනේරු ආයතනයේ මධ්‍යම පළාත් ශාඛාව මඟින් මේ වැඩමුළුව සංවිධානය කොට තිබේ. ඉදිකිරීමට නියමිත මාර්ගයේ වත්මන් තත්ත්වය, ප්‍රතිලාභ සහ අනාගත බලාපොරොත්තු ආදිය සම්බන්ධයෙන් මෙහිදී දැනුවත් කිරීමට නියමිතය.
විවෘත දැනුවත් කිරීමේ වැඩසටහනක් වන මෙහිදී උතුරු අධිවේගී මාර්ගයේ කොළඹ - නුවර කොටස පිළිබද ජනතාවගේ අදහස් උදහස් සම්බන්ධයෙන් ද විශේෂ අවධානයක් යොමු කිරීමට බලාපොරොත්තු වන බව ව්‍යාපෘති අධ්‍යක්ෂ ඉංජිනේරු එල්.වී.එස්. වීරකොන් මහතා පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
