මෙයට මාස කිහිපයකට පෙර ද උතුරු මැද පළාතට කළමනාකරණ සේවයේ පත්වීම් දෙසිය තිස් පහක් (235) ලබා දී තිබේ. තරග විභාගයකින් පත්වීම් ලාභීන් තෝරා ගෙන තිබිණ.
කළමනාකරණ පත්වීම් ලබා දෙමින් උතුරු මැද පළාත් ප්රධාන අමාත්‍යවරයා පවසා සිටියේ මහින්ද රාජපක්‍ෂ ජනාධිපතිතුමා රාජ්‍ය සේවය ශක්තිමත් කිරීම සඳහා 2005 වසරේ සිට මේ වන තුරු හය ලක්‍ෂයක් බඳවා ගෙන තිබේ. දේශපාලන බලපෑමකින් තොර ව තම දක්‍ෂතාව හා කුසලතාව මත තරග විභාගයට පෙනී සිට පත්වීම් ලබා ගැනීමේ අවස්ථාව රජය උදාකර තිබේ. උතුරු මැද පළාතේ රාජ්‍ය සේවයට එක්වන කළමනාකරණ පත්වීම් ලැබූවන් තම රාජකාරිය ජනතා සුබසෙතට කැප කිරීම උදෙසා තම වගකීම් නිසි පරිදි ඉටුකළ යුතු බව ද ප්රධාන අමාත්‍යවරයා කීය.
මෙම අවස්ථාවට පළාත් සභාවේ සභාපති ටී.එම්.ආර්. සිරිපාල, මන්ත්රීවරුන් වන පී.බී. ඒකනායක, පී.බී. කුමාර, උපාලි විජේකෝන්, සරත් ඉලංගසිංහ මහත්වරුද පළාත් සභාවේ ප්රධාන ලේකම් එච්.එම්.ආර්.බී. හේරත් මහතා සහ පළාත් සහකාර කොමසාරිස්වරිය ඇතුළු නිලධාරීහු රැසක් සහභාගී වී සිටියහ.
HC
