පසුගිය දින බදුල්ල, කොස්ලන්ද, මීරියබැද්ද ප්‍රදේශය නායයෑමෙන් පසු ව අතුරුදන්වූවන් පිළිබඳ ව මෙතෙක් පැහැදිලි දත්ත එක් රැස් කර ගැනීමට නොහැකි වී තිබේ. මෙවැනි තත්ත්වයන් ඇති නොවීමට වගබලා ගත යුතු බවට දිස්ත්‍රික් ලේකම්වරයා විසින් මෙහිදී අදාළ බලධාරීන් වෙත උපදෙස් ලබා දෙන ලදී.
ඒ අනුව නායයෑම්වලට ලක් වන ප්‍රදේශයන් හි පවුල් ඒකක, කඳවුරුගත ඔවුන්ගේ ජීවදත්ත වයස් පරතරයන්ට අනුව ලේඛනගත කළ යුතුය. එමෙන් ම නිවාස වෙළෙඳසැල්, රාජ්‍ය ආයතන හා පෞද්ගලික ආයතන, ආගමික සිද්ධස්ථාන පිළිබඳ ව නිවැරදි දත්ත එක්රැස් කිරීම මේ වන විට සිදු කොට හමාරය. එමෙන් ම සිතියම් අධ්‍යයන කිරීම තුළින් නිවාස සහ ගොඩනැගිලි පිහිටා තිබෙන ස්ථාන පිළිබඳ ව පූර්ව අවබෝධයක් ලබා ගත යුතු ව ඇත.
වැඩිදුරටත් අදහස් දැක් වූ දිස්ත්‍රික් ලේකම්වරයා පෙන්වා දුන්නේ නායයෑමේ අවදානම හේතුවෙන් කඳවුරුගත කොට ඇති විපතට පත් ජනතාවගේ දත්ත පැය 24 පුරාවට ම යාවත්කාලීන කළ යුතු බවයි. ඒ අනුව ඔවුන් කඳවුරින් පිටව යන වේලාවන්, ස්ථාන, දුරකතන අංක, පිළිබඳ ව නිවැරදි දත්ත ග්‍රාම නිලධාරීන් සහ ප්‍රාදේශීය ලේකම්වරුන් දැනුවත්ව සිටිය යුතු බව කීය.
නුවරඑළිය දිස්ත්‍රික්කයේ පූර්ව ආපදා සැලසුම පිළිබඳ ව පසුගිය දිනයන් හි විවිධ මාධ්‍ය මඟින් ඇගයීමට ලක් වූ අතර මෙම සාකච්ඡාව සඳහා අතිරේක දිස්ත්‍රික් ලේකම්වරයා ඇතුළු නිලධාරීහු පිරිසක් සහභාගී වී සිටියහ.
NDH/SH-dmi nuwaraeliya
