මධ්‍යම පළාත් සභාවේ ධීවර සහ කෘෂිකර්ම කටයුතු අමාත්‍යාංශයේ මුල්‍ය ප්‍රතිපාදන මත මෙම මිරිදිය ඉස්සන් ජලාශය වෙත මුදා හැරීම සිදු විය. තංගල්ල කහඳමෝදර මිරිදිය ඉස්සන් වගා කිරීමේ අභිජනන මධ්‍යස්ථානය මඟින් මෙම මිරිදිය ඉස්සන් ලබා ගැනීම සිදු කොට ඇති අතර මාස 06ක් පමණ කල්ගත වන විට එක් ඉස්සෙකුගේ බර 500g – 600g දක්වා ප්‍රමාණයට වැඩේ.

මේ වන විට ඉස්සන් කිලෝවක් රුපියල් 700-1000ක් අතර ප්‍රමාණයට විකුණා ගත හැකි බව ධීවර ජනතාවගේ අදහසයි. සාමාජිකයන් 50කට ආසන්න සංඛ්‍යාවක් මෙම මිරිදිය ධීවර කර්මාන්තය තුළින් යැපේ. ජලජීවී වගා සංවර්ධන අධිකාරියේ නුවරඑළිය දිස්ත්‍රික් මෙහෙයුම් ඒකකය මෙම වැඩසටහන දියත් කර ඇත.

NDH/SH-dmu nuwaraeliya