මෙහිදී මහවැලි ගොවි පවුල් 2,000ක් සඳහා ස්ථිර ඉඩම් ඔප්පු පිරිනැමීම සහ පවුල් 500ක් සඳහා අවසරපත්‍ර ලබාදීම සිදු කරන බව මහවැලි බී කලාපයේ නේවාසික ව්‍යාපාර කළමනාකාර පී.සී. දයානන්ද මහතා පැවසීය.
දිඹුලාගල, දම්මින්න, විජයබාපුර, සෙවණපිටිය, සිංහපුර, අසේලපුර, ඇල්ලේවැව සහ සේනපුර යන මහවැලි ප්‍රදේශයේ ගොවිජනපද 48ක් සඳහා කෘෂි උපකරණ ලබාදීම ද සිදු කරනු ඇත. උතුරු මැද පළාත් චිත්‍ර තරගයෙන් ජයග්‍රහණය කරනු ලැබූ මහවැලි දරු දැරියන් වෙත සහතිකපත්‍ර හා ත්‍යාග ප්‍රදානය ද වැලිකන්ද, මහවැලි සංවර්ධන මධ්‍යස්ථාන පරිගනක පාඨමාලාව නිමකරන ලද සිසු සිසුවියන්ට සහතිකපත් පිරිනැමීම ද මෙහිදී සිදු කිරීමට නියමිතය.
සෞඛ්‍ය අමාත්‍ය මෛත්‍රීපාල සිරිසේන මහතා ඇතුළු දේශපාලන නියෝජිත පිරිසක් ද මේ අවස්ථාවට සහභාගි වීමට නියමිතය.
NDH/WK-BG-dmu polonnaruwa
