මහල් තුනකින් සමන්විත මෙම ගොඩනැගිල්ල තුළ ශ්‍රවණාගාරයක් ඇතුළු කාර්යාල කාමර රැසක් ඇතුළත් ය. තෙමහල් ගොඩනැගිල්ලේ පළමු අදියර ලෙස බිම් මහල ඉදිකෙරෙන අතර ඒ සඳහා රුපියල් ලක්ෂ සියයක මුදලක් වැය වෙතැයි ඇස්තමේන්තු කොට තිබේ. ඊට අවශ්‍ය මුදල් ප්‍රතිපාදන පළාත් නැඟුම වැඩසටහන ය‍ටතේ ලබා දී තිබේ.
පළමු අදියරට අයත් බිම් මහලේ වැඩ කටයුතු අවසන් වූ වහා ම දෙවැනි සහ තෙවැනි අදියර ආරම්භ කිරීමට කටයුතු යොදන බව පැවසූ මහනුවර දිසාපති එච්.එම්. ගාමිණි සෙනෙවිරත්න මහතා මහජනතාව වෙත තවදුරටත් කාර්යක්ෂම සේවාවක් ලබා දීමට මේ තුළින් හැකියාව ලැබෙන බව ද පැවසීය.
පාතහේවාහැට ප්‍රාදේශීය ලේකම් මධුපානී පියසේන මහත්මිය ද මේ අවස්ථාවට එක්ව සිටියාය.
NDH/TA-dmu kandy
