“අපේ දරුවෝ” නමින් හදුන්වනු ලැබූ මෙම ශිෂ්‍යත්ව ප්‍රදානය කිරීම සඳහා අනුග්‍රාහකත්වය සපයන ලද්දේ ෆයිසර් මුස්තාපා පදනම මගිනි.
මෙම ශිෂ්‍යත්වය මගින් දරුවෙකුට උසස් පෙළ අධ්‍යාපන කටයුතු කරගෙන යන කාලය තුළදී මාසිකව රුපියල් 3000ක දීමනාවක් ලබාදෙනු ලැබේ.
මෙම අවස්ථාවට සහභාගී වූ ආරක්ෂක ලේකම් ගෝඨාභය රාජපක්ෂ මහතා මෙහිදී අදහස් දක්වමින් රටේ ආර්ථික සංවර්ධනය වැඩිවීමත් සමඟ ම ඊට සමගාමී ව රටේ අධ්‍යාපන තත්ත්වයද ඉහළ යා යුතු බව අවධාරණය කළ අතර රටේ දරුවන්ගේ අධ්‍යාපන තත්ත්වය ඉහළ නැංවීමේ අරමුණින් ඒ සඳහා මෙවැනි අධ්‍යාපනය සඳහා අතහිත දීමේ වැඩසටහන් මෙම දරුවනට බොහෝදුරට මහෝපකාරී වන බවද පවසා සිටියේය.
එසේම මෙම දරුවන් සඳහා මේ වන විට රටේ විශාල ක්ෂේත්‍රයක් පුරා විවිධ රැකිරක්ෂා අවස්ථා උදාවී ඇති බව සඳහන් කළ රාජපක්ෂ මහතා මෙම දරුවන් ද නිරතුරුව ම මෙම නව කේෂ්ත්‍රයන් පිළිබඳ ව විමසිලිමත් වී ඒ සම්බන්ධයෙන් තමනට අවශ්‍ය සුදුසුකම් සපුරා ගත යුතු බවත් පවසා සිටියේය.
මෙම අවස්ථාව සඳහා ආයෝජන ප්‍රවර්ධන නියෝජ්‍ය අමාත්‍ය ෆයිසර් මුස්තාපා, පළාත් සභා අමාත්‍යවරුන් හා මන්ත්‍රීවරුන් ප්‍රාදේශීය සභා සාමාජිකයන්, විදුහල්පතිවරුන් ගුරුවරුන් සහ ශිෂ්‍යත්වලාභී ශිෂ්‍ය ශිෂ්‍යාවෝ සහභාගී වුහ.
DB
