සාම්ප‍්‍රදායික කර්මාන්ත හා කුඩා ව්‍යවසාය සංවර්ධන අමාත්‍ය ඩග්ලස් දේවානන්දා මහතා සහ උතුරු පළාත් ආණ්ඩුකාර මේජර් ජෙනරාල් ජී.ඒ. චන්ද්‍රසිරි මහතා ඊයේ (27) යාපනය දුම්රිය ස්ථානයේ නවතම තත්ත්වය පිරික්සීම සඳහා එහි ගියහ.
එහිදී අමාත්‍යවරයා සහ ආණ්ඩුකාරවරයා විසින් යාපනය දුම්රිය ස්ථානයේ සහ උතුරු දුම්රිය සේවා පිළිබඳ නවතම තත්ත්වය හා දෛනික ව මුහුණ දෙන ගැටලු පිළිබඳ එහි කාර්ය මණ්ඩලයෙන් තොරතුරු විමසූහ.
එම සාකච්ඡාවෙන් අනතුරු ව ඔවුන්ගේ අවශ්‍යතා සඳහා කඩිනම් විසඳුම් ලබා දීමටත් අමාත්‍යවරයා සහ ආණ්ඩුකාරවරයා එකඟ වූහ.
යාපනය දුම්රිය ස්ථානාධිපති (මෙහෙයුම්) කේ. රාජනායගම් මහතා ද මේ අවස්ථාවට සහභාගී විය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
