මුලතිව් ආරක්ෂක සේනා මූලස්ථානයෙහි 68 වන සේනාංකයේ 683 බලසේනාංකය යටතේ සිටින 7 වන ගජබා රෙජිමේන්තු සෙබළුන් විසින් තේරාවිල් ග්‍රාමසේවා කොට්ඨාසයෙහි වැසියන් සඳහා රුපියල් 3500ක් වටිනා වියළි සලාක මලු 135ක් පසුගියදා තේරාවිල් මධුෂානි පෙරපාසලේදී බෙදා දෙන ලදී.
මෙම වැඩසටහන මුලතිව් ආරක්ෂක සේනා මූලස්ථාන ආඥාපති මේජර් ජෙනරාල් ජගත් ඩයස්ගේගේ ඉල්ලීම පරිදි Alignment Development Trance ආයතනයේ ප්‍රාදේශීය කළමනාකාර අබ්‍රහම් රාහුල්ගේ මහතාගේ පරිත්‍යාගයෙන් 68 වන සේනාංකයේ සේනාංකාධිපති මේජර් ජෙනරාල් ඒ. කාරියකරවනගේ අධීක්ෂණය යටතේ සිදු කෙරිණි.
මෙම අවස්ථාව සඳහා 68 වන සේනාංකයේ සේනාංකාධිපති, 683 බල සේනාවේ බල සේනාධිපති, 7 වන ගජබා රෙජිමේන්තුවේ අණදෙන නිලධාරී, යුද හමුදා සාමාජිකයන් සමඟින් ප්‍රදේශයේ සිවිල් වැසියන් බොහෝ පිරිසක් ද සහභාගී වූහ.
NDH/army.lk
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
