කෘෂිකර්ම හා සත්ත්ව පාලන කටයුතුවල නියැළී සිටින හා ඒ පිළිබඳ ව උනන්දුවක් දක්වන ගොවීන් දැනුවත් කිරීමේ වැඩමුළුවක් සබරගමුව පළාත් ඉඩම්, වාරිමාර්ග, කෘෂිකර්ම, සත්ත්ව නිෂ්පාදන හා සත්ත්ව සෞඛ්‍ය සංවර්ධන හා ධීවර කටයුතු පිළිබඳ අමාත්‍යාංශය මගින් ආරම්භ කර ඇත.
කෘෂිකාර්මික සහ සත්ත්ව පාලන කටයුතු යැපුම් මට්ටමෙන් ඔබ්බට ගොස් වාණිජ මට්ටම දක්වා ගමන් කරවීම පිළිබඳ ව මෙහිදී පුහුණුව ලබාදේ.
මෙහි සමාරම්භක උත්සවය පසුගියදා කෑගල්ල, උඳුගොඩ, කෘෂිකර්ම හා සත්ත්ව නිෂ්පාදන පුහුණු මධ්‍යස්ථානයේදී ආරම්භ විය.
මෙම වැඩමුළුව යටතේ එක් දිනකට ගොවීන් 250ක් සඳහා ප්‍රායෝගික හා න්‍යායාත්මක පුහුණුව ලබාදේ. මේ යටතේ ගොවීන් 5000ක් පුහුණු කෙරෙන බව සබරගමුව පළාත් සභාව පවසයි.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
