වාර්ෂික සාමාන්‍ය පදනම මත මනිනු ලබන මතු පිට උද්ධමනය පෙර මාසයේ පැවැති 4.5% සිට 4.2ක් දක්වා අඩු වී ඇත.
ඒ අතර වාර්ෂික ලක්ෂමය පදනම මත මනිනු ලබන මූලික උද්ධමනය 2014 අගෝස්තු මාසයේ පැවැති 3.9% සිට සැප්තැම්බර් මාසයේ දී 3.7%කට අඩු විය.
ජාත්‍යන්තර බලශක්ති මිල ගණන් සැලකිය යුතු ලෙස පහළට යෑම සහ දේශීය විදුලිබල යටිතල පහසුකම් වැඩිදියුණු වීම හේතුවෙන් බලශක්ති මිල ගණන් අඩු කිරීම සඳහා රජයට හැකියාව ලැබුණු අතර මෙම මිල සංශෝධනවල යහපත් බලපෑම උද්ධමනය තුළින් පිළිබිඹු වෙමින් පවතී.
මේ හේතුවෙන් සහ ජාත්‍යන්තර වෙළෙඳපොළෙහි ප්‍රධාන පාරිභෝගික භාණ්ඩවල මිල ගණන් අඛණ්ඩ ව අඩුවීම මගින්, උද්ධමනය වසර අවසානය වන විට පෙර පුරෝකථනය කරන ලද සියයට 4 -5ක් වු පරාසයටත් වඩා පහළ අගයක පවතිනු ඇතැයි අපේක්ෂා කරන බව 2014 ඔක්තෝබර් ශ්‍රී ලංකා මහ බැංකුවේ මුදල් ප්‍රතිපත්ති විවරණය පෙන්වා දෙයි.
DB
