රඹුක්කන මැතිවරණ කොට්ඨාසයේ සමෘද්ධිලාභීන් හෙවත් දිවි නැගුම සාමාජික පවුල් සංඛ්‍යාව 7500ක් පමණ වේ. එම සෑම පවුලකට ම මෙම වැඩපිළිවෙළ යටතේ අර්තාපල් කිලෝ 2 බැගින් නොමිලේ බෙදා දෙන බව රඹුක්කන ප්‍රාදේශීය ලේකම් මොහාන් විජේරත්න මහතා කීය.
රඹුක්කන පින්නවල ප්‍රජා මූල බැංකු ගොඩනැගිල්ලේ දී මෙම අර්තාපල් නොමිලේ බෙදාදීමේ වැඩසටහන පාර්ලිමේන්තු මන්ත්‍රී කනක හේරත් මහතාගේ ප්‍රධානත්වයෙන් සිදු විය.
මෙහිදී මන්ත්‍රීවරයා සඳහන් කළේ මෙරට අල ගොවියාගේ නිෂ්පාදනවලට සාධාරණ මිලක් මෙන් ම අඩු ආදායම්ලාභී සමෘද්ධි පවුල් අතට මෙසේ අර්තාපල් බෙදාදීම හරහා නිෂ්පාදකයාටත් අඩු ආදායම්ලාභී පාරිභෝගිකයාටත් සාධාරණයක් ඉටුකිරීමට වත්මන් රජය කටයුතු කර ඇති බවය.
DB
