ස්වභාවදහම් සංරක්ෂණය අන්තර්ජාතික සංගමය (IUCM)කොළඹ විශ්වවිද්‍යාලය සමඟ එක්ව තම ගම්මානයට පමණක් ආවේණික මෙම කුඩ මසුන් ආරක්ෂා කිරීමට සහ බෝ කිරීමේ කටයුත්තට එම ගම්වාසීන් ද ස්වෙච්ඡාවෙන් දායක වෙති.
එම පර්යේෂණ කටයුතු විධිමත්ව සහ පුළුල් ව සිදුකිරීම සඳහා බන්දුල පෙතියා පර්යේෂණ මධ්‍යස්ථානය නමින් කුඩා ගොඩනැගිල්ලක් පසුගියදා සබරගමු මහ ඇමති මහීපාල හේරත් මහතා අතින් විවෘත විය.
එම ගොඩනැගිල්ල ඉදිකිරීම සඳහා බරපැන ටොයෝටා සමාගමේ අනුග්‍රහයෙනි. මෙම කුඩා පර්යේෂණායතනය විවෘත කිරීමේ අවස්ථාවට කොළඹ විශ්වවිද්‍යාලයේ සත්වවිද්‍යාව පිළිබඳ මහාචාර්ය දේවක වීරසිංහ මහතා ද එක් ව සිටියේ ය.
එම මත්ස්‍ය විශේෂය පිළිබඳ ව අධ්‍යයනය කරමින් ඔවුන් සංරක්ෂණය සඳහා වසර 10ක් පුරා මෙම පර්යේෂණ කටයුතු රන්බිඩිගල, හපුගොඩ අල්පිටිය යන ගම්මානවල කුඩා දියකඳුර ඇසුරේ සිදු කළ බව කී මහාචාර්යවරයා වසර 10කට පෙර මෙම මත්ස්‍ය ගහනය ලොවට ම සියයක් වූ නමුත් එම මත්ස්‍ය ගහනය මේ වන විට 1,500 දක්වා වර්ධනය කිරීමට හැකි වී ඇතැයි කීය.
මෙම අවස්ථාවට පළාත් සභා මන්ත්‍රී උදයකාන්ත ගුණතිලක, වරකාපොළ ප්‍රාදේශීය සභාවේ සභාපති කීර්ති සී. විජේතුංග යන මහත්වරු ද සහභාගී වූහ.
DB
