සෙත්සිරිපාය, බත්තරමුල්ලේ පිහිටි නිවාස අමාත්‍යාංශ ශ්‍රවණාගාරයේ දී මෙම නිවාස ආධාර ප්‍රදානය කෙරිණ.
“ මහින්ද චින්තන ඉදිරි දැක්ම ” අනුව විමල් වීරවංශ අමාත්‍යවරයාගේ උපදෙස් පරිදි ක්‍රියාත්මක වන “ජන සෙවණ” නිවාස හා ජනාවාස සංවර්ධන මෙහෙයුමට සමගාමීව ඉෂානි හිරුණිකා කොඩිතුවක්කු ශිෂ්‍යාවගේ අඩක් නිම කළ නිවසේ ඉදිකිරීම් කටයුතු සම්පූර්ණ කරගැනීම සඳහා රුපියල් ලක්ෂ 3ක නිවාස ආධාර මුදලක් අමාත්‍යවරයා අතින් මෙහිදී ප්‍රදානය කරන ලදී. ජාතික නිවාස සංවර්ධන අධිකාරිය මෙහි මූල්‍ය දායකත්වය ලබා දී තිබේ.
20 වන වියේ පසුවන හිරුණිකා කොඩිතුවක්කු ශිෂ්‍යාව පදිංචි වී සිටින්නේ මහරගම දඹහේන පාර ප්‍රදේශයේය. ඇය 2013 උසස් පෙළ විභාගයට වාණිජ අංශයෙන් පෙනී සිට ව්‍යාපාර අධ්‍යනය, ගිණුම්කරණය, ආර්ථික විද්‍යාව යන විෂයන් 3 සඳහා ඒ සාමාර්ථ ලබාගෙන Z – score අගය 2.6965 හිමිකරගෙන ඇත. ඇය ශ්‍රී ජයවර්ධනපුර විශ්වවිද්‍යාලයේ ගණකාධිකරණ විශේෂ උපාධිය හැදෑරීමට සූදානම්ව සිටී.
මෙම අවස්ථාවට ඉදිකිරීම්, ඉංජිනේරු සේවා, නිවාස හා පොදු පහසුකම් අමාත්‍යාංශයේ ලේකම් පී.එච්.එල්. විමලසිරි පෙරේරා, ජාතික නිවාස සංවර්ධන අධිකාරියේ සාමාන්‍යාධිකාරී බ්‍රිගේඩියර් මහින්ද මුදලිගේ මහත්වරු ඇතුළු පිරිසක් සහභාගී වූහ.
DB
