මන්ත්‍රීවරයා මේ බව පැවසුවේ පසුගියදා පොලොන්නරුව පුලස්තිගම පැවති තරුණ හමුවකට එක්වෙමිනි.
වැඩිදුරටත් අදහස් දැක්වූ නාමල් රාජපක්ෂ මහතා මෙසේ ද පැවසීය. "එදා තිබුණු ආණ්ඩු රටේ දේශපාලන පක්ෂ තරුණයන්ගේ බලගැන්වීම, නැගිටීම දැක්කේ ආණ්ඩු විරෝධී වැඩපිළිවෙළක් විදිහටයි. එදා තරුණයෝ දහයක්, පහළොවක් එකට එකතුවෙලා තමන්ගේ අයිතීන්, අනාගතය පිළිබඳ ව සාකච්ඡා කෙරුවත් එදා දේශපාලන අධිකාරිය ඒ දේ දැක්කේ ආණ්ඩු පෙරළන්න කැරළි ගහනවා කියලයි. අද අපේ සහෝදර සහෝදරියන්ට වැඩි වගකීමක් තියෙනවා. එක් පැත්තකින් රට දේශපාලනික, ආගමික, සමාජීය, ආර්ථික වශයෙන් සංවර්ධනය වෙමින් තියෙනවා. ඒ සංවර්ධනය තුළින් ලැබෙන ප්‍රතිලාභ අපේ ගම්වල දරුවන්ට ලැබෙනවා. රට ගොඩනැගීමේ වගකීම ඇත්තේ අපේ රටේ තරුණ පරම්පරාවටයි. එදා 88-89 කාලසීමාවේදී තරුණයන් දේශපාලනික වශයෙන් නොමග ගිය නිසා රටට සිදු වූ දෙය තමුන්නාන්සේලා අසා තියෙනවා. අද අපට දේශපාලන පක්ෂයක් විදිහට වගකීමක් හා යුතුකමක් තියෙනවා තරුණ දේශපාලනඥයන් විදිහට රටේ ජීවත් වන දෙමාපියන්ගේ දරුවන් ව ජනතාවාදී දේශපාලන දර්ශනයක් තුළ සන්ධාන ගත කරන්න" යැයි කීය.
NDH/WK-BG dmu polonnaruwa
