කුලියාපිටිය කනදුල්ල ධර්මරාජ මහා විද්‍යාලය, කුලියාපිටිය බරාගෙදර අනගාරික ධර්මපාල මහා විද්‍යාලය, බිංගිරිය ශ්‍රී සරණංකර මහා විද්‍යාලය, පඬුවස්නුවර එස්.ඩබ්ලිව්.ආර්.ඩී. බණ්ඩාරනායක මහා විද්‍යාලය යන පාසල්වල මහින්දෝදය තාක්ෂණික විද්‍යාගාර සිසු අයිතියට පත් කිරීමට නියමිතය.
එක් මහින්දෝදය තාක්ෂණික විද්‍යාගාරයක් සඳහා රුපියල් ලක්ෂ 200ක් වැය කර තිබෙන අතර පරිගණක 40කින් සමන්විත පරිගණකාගාරයක්, පරිගණක 20කින් සමන්විත භාෂාගාරයක්, ගණිතාගාරයක්, විද්‍යාගාරයක් සහ දුරස්ථ අධ්‍යාපනය සඳහා නැණස ඒකකයක් යන අංගයන්ගෙන් මෙය සමන්විතය.
මීට අමතර ව ඉන්දියන් ආධාර යටතේ ඉදිකළ වයඹ ජාතික විද්‍යා පීඨයේ භාෂාගාරයත් ජනාධිපති මහින්ද රාජපක්ෂ මැතිතුමාගේ සුරතින් අද (11) විවෘත කරනු ඇත. මේ සඳහා රුපියල් මිලියන 10ක් වැය කර තිබේ.
ශ්‍රී ලංකාවේ ඉන්දියානු මහ කොමසාරිස් වයි.කේ. සිංහා මහතා සහ මැති ඇමතිවරු ද මේ අවස්ථාවට සහභාගි වීමට නියමිතය.
NDH/kpm
